Edward:“影相效果喜出望外!”Nexus 5X 评测 2 – 效能、影相篇

赞好此文:

十一月 6, 2015 • 手提电话, 手机测试, 评测 •

昨日 Edward 同大家试过 Nexus 5X 嘅设计、手感、荧幕质素等,今日试多一阵之后,再同大家分享一下 Nexus 5X 嘅效能、影相以及其他方面嘅表现,以及琴日唔少读者想知嘅各项问题吧!

DSC00757

效能媲美旗舰!

今次呢部 Nexus 5X,效能其实同 LG 嘅其中一部旗舰 G4 差唔多,只系 RAM 只有 2GB,比 G4 嘅 3GB 少 1GB,另外荧幕由 2K QHD 降为 1080p 而已。不过可能因为 Android 6.0 Marshmallow 原生 ROM 系系统效能设计方面做得更好,加上比 LG 品牌嘅手机少好多其他 APPS,虽然一开机后 RAM 都系得番一半可用(1GB 左右),但整体都仍然好畅顺,无 G4 用用下会窒下窒下嘅感觉,感觉算系几好,笔者甚至觉得用落同一部旗舰机无乜分别!

Screenshot_20151106-021640

▲从安兔兔评测可以见到一开机可用 RAM 已剩下 960MB,大约 1GB 左右,无咗一半。

IMG_4409

▲不过平时用落真系好顺,唔似系一部 2GB RAM 嘅手机。

为咗试尽 Nexus 5X 系效能上去到边,笔者都用几只游戏试过佢嘅效果,分别为较静态嘅 Clash of Clans、Angry Birds 2 及 SimCity BuildIt,以及较多动作场合,画面亦较细腻嘅 Marvel Future Fight 及 Asphalt 8,全部游戏系游玩上都极为畅顺,感觉同系 5、6 千蚊嘅旗舰机上面玩无乜分别,可见用 3 千几蚊买到嘅,算系几唔错嘅效果,而用安兔兔评测获得 45,682 分嘅高分,亦印证咗笔者嘅感受系正确嘅。

Screenshot_20151106-013130 Screenshot_20151106-013654 Screenshot_20151106-015144

▲试过系 Nexus 5X 上面玩 Clash of Clans、Angry Birds 2 同埋 SimCity BuildIt,都完全无问题,十分畅顺完全唔窒。

Screenshot_20151106-015718 Screenshot_20151106-020148

▲再系 Nexus 5X 上面试玩 Marvel Future Fight 同埋 Asphalt 8,都一样好顺。

Screenshot_20151106-005603

▲用安兔兔评测测试,获得 45,682 分,以 3 千几蚊嘅手机来讲,仲可以第日第一时间获得 OS 更新,笔者觉得收货啦。

不过值得一提嘅系,上一篇文笔者都提过当 Nexus 5X 系高效率运作个时,镜头位置会出现比较暖但未至于辣手嘅情况。呢个发热情况似乎系打机个时更加明显。笔者只系玩咗 Clash of Clans 同埋 Angry Birds 2,当想加载 SimCity BuildIt(都仲未开始玩 Marvel Future Fight 同埋 Asphalt 8)个时,因为横向拿住部机,左手拿住 Nexus 5X 嘅位置正正系镜头位,发觉开始有辣手嘅感觉。于是用测温枪再度一度,发觉温度原来直线上升至 43.8 度!而机背中间同底部位置,温度亦分别升至 36.8 度及 34.7 度!大家可能觉得:都系温温地唧,未至于辣手挂?不过笔者其实系喺冷气房入面打机,都已经去到呢个温度,一旦夏天个时系室外打机,温度随时唔止呢个度数,届时随时真系会辣手!

IMG_4396

▲打打下机,笔者就系咁样拿住部手机,就发觉左手摸住手机个个位有少少辣手。

IMG_4392

▲跟手用测温枪一测,发觉去到成 43.8 度,比昨日用安兔兔评测个时同一位置测到嘅 39.4 度,足足高咗 4.4 度!大家要知道个下笔者只系玩紧 Clash of Clans,而且系冷气房都系咁,如果夏天系室外打机嘛……

IMG_4393 IMG_4394

▲机背中央位置都分别升到去 36.8 度同埋 34.1 度,比昨日测试嘅 31.5 度同埋 30.1 度,都高咗唔少…….难怪打几分钟机笔者已经觉得部机有少少辣手……

用来 snapshot 一流!

至于相机方面,Nexus 5X 主镜头为 1,230 万像素,而且同 G4 一样设有雷射辅助对焦功能,佢嘅像素大细亦比一般智能手机大,达到 1.55µm,令相机系表现上,尤其是系较低光环境下拍摄,质素都真系几唔错,甚至可以媲美或胜过唔少 5、6 千蚊嘅旗舰手机!而雷射辅助对焦功能,亦令 Nexus 5X 系对焦速度上极为快速,基本上一开相机 APP 就已经影到相,而且笔者系唔同场景下试影过,系未试过有对唔到焦、对错焦或者迷焦情况出现(使用自动对焦而非手动禁荧幕指定对焦点),用来玩 snapshot 真系一流!而且佢具备 HDR+ 功能,系拍摄拥有高光元素嘅相片时,个啲位唔会爆哂光(例如:广告牌),仲清晰睇到广告牌上面嘅光管字,呢点都系令笔者喜出望外之处。不过比较可惜嘅系,佢未有内建而家几流行嘅 OIS 光学防抖功能,令系比较暗嘅环境下拍摄相片,如果手揸相机 hold 得唔够稳,就会出现抖情况,导致相片松郁蒙。

Screenshot_20151106-150050

▲接口都系以简洁为主。

▲从上面影片大家就见到,有雷射辅助对焦,对焦速度真系好快,基本上一稳定机身已经对完焦,而且十分准确。

Screenshot_20151106-145239

▲主镜头像素为 1,230 万,唔算好高但一定够用。

Screenshot_20151106-145247

▲上代 Nexus 6 都已经拍到 4K UHD 影片,不过似乎机价太贵;今代 Nexus 5X 咁抵买,又支援 4K 拍片,唔知引唔引到大家拍多啲?

Screenshot_20151105-210713

▲模式入面有得拍 Photo Sphere 全景相片同埋一般全景相片,分别系前者系影 720 度全方位全景相片,即系影埋天同地面;而后者就一般 360 度全景相片。

Screenshot_20151105-210541

▲一贯嘅影全景设计,有个圈圈俾大家对准去影相,用落都几容易。

Screenshot_20151106-145255

▲连全景相片都可以拣解像度,呢个设定好似系 Android 手机比较少有,不过要留意系如果拣咗高,唔止处理时间都几长,而且张相出到来都成 8MB 以上!

PANO_20151105_210235

▲上面系普通全景相片,下面就系 Photo Sphere 全景相片,效果好唔好就见仁见智啦,我就觉得还可接受啦……

PANO_20151105_210451

Screenshot_20151105-210821

▲另外 Nexus 5X 内面嘅镜头模糊功能,亦类似我哋一向知道嘅“先拍摄后对焦”功能,不过笔者试过几次先成功影到一张……都几难用。

Screenshot_20151106-155938 Screenshot_20151106-155954

▲影完之后睇番相簿,如果系用咗“镜头模糊”模式拍照嘅相片,会见到“如需重新对焦,请轻触这里”,点按它之后再点按选择对焦点即可,而下方系用来调较对焦点嘅精准度。完成后点按“完成”就可以了。

主镜头试相区

IMG_20151105_200514 IMG_20151105_201301 IMG_20151105_201633

▲影夜景效果都算唔错,影出来能实际反映现场气氛。

屏幕快照 2015-11-06 下午5.03.06

▲不过放大 100% 睇张相,其实都有几明显油画化情况。

IMG_20151105_201159 IMG_20151105_203036 IMG_20151105_210036IMG_20151106_145621

▲拍摄有光差较大元素嘅夜景,都有唔错嘅效果。

IMG_20151105_204623 IMG_20151105_203403

▲影夜景都几唔错㗎!

IMG_20151105_205105 IMG_20151105_204930 IMG_20151105_205234

▲中距离到微距效果都几好,清晰之余颜色都几自然。

▲至于 4K 拍片方面,就算拍夜景质素都似乎几好,唯一系无 OIS,搞到条片都几震……

▲另外边行边拍片,条片就更加震,尤其是好似笔者咁系唔够光环境下影,真系睇到条片都有啲头晕……

至于前置镜头方面,像素就只有 500 万像素,而唔似 G4 咁有成 800 万像素,质素方面缩图睇个时都还好,但放大 100% 时就会见到因为噪声较多,导致相片清晰度有所下降,亦有明显油画化情况。虽然加入 HDR+ 功能后,相片高光位亮度会自动“禁”低,出番啲细位出来,但笔者试过有机会令脸部亮度下降,变成好似“面黑黑”嘅效果。所以前镜质素整体来讲,只属网络分享级数,大家唔好有太大期望。

DSC00794 Screenshot_20151106-145244

▲前置镜头只有 500 万,可以话够用而已。

前置镜头试相区

IMG_20151105_203100 IMG_20151105_205019

▲效果如果唔放大来睇都算 OK,但如果同高光物件距离比较近,会出现如上面右图咁,块面黑哂嘅情况。

屏幕快照 2015-11-06 下午5.08.21

▲而且张相放大来睇,都一样有油画化情况。

NFC 配八达通无问题

至于昨日有读者问到,Nexus 5X 配备嘅 NFC 功能,会唔会读取唔到八达通资料?笔者就下载咗八达通官方 APP,再用手上嘅八达通试一试,开头两次放系机身中间都未能成功读取,于是笔者再将卡放系机背较高位置(即系镜头位置),之后听到嘟一声后,画面就成功显示出八达通交易资料!证明 Nexus 5X 读取八达通卡系无问题嘅,不过大家就要将卡放系镜头位置先至读取得到。

IMG_4410

▲一开始笔者只系好似其他手机咁,随便摆张八达通系机背。

Screenshot_20151106-020823

▲得到嘅系呢个画面,话未能阅读到八达通。

IMG_4402

▲以为唔支援,之后再试下放高啲,即系如上图镜头嘅位置。

Screenshot_20151106-020846

▲就可以成功读取八达通入面嘅资料啦。

喇叭质素仍是一般

至于喇叭质素方面,笔者试过用 Nexus 5X 睇 YouTube 影片,发觉因为佢用咗立体声前置喇叭,所以如果开到最大音量,系绝对够大声嘅,不过咁嘅情况下,音质会明显有所下降,唔止喇叭出现“拆”声情况,人声亦因此会变得唔够清晰。笔者会建议大家开到最多 70%,但呢个音量下,如果身处比较嘈杂嘅地方,就有可能听唔清楚音效。所以笔者建议大家都系用番耳机听歌睇戏罢啦。

IMG_4405

▲Nexus 5X 采用前置双喇叭,音量系比上代大声咗少少嘅。

▲不过睇番呢段片大家就知道,较到 100% 音量系够声,但系就拆哂;但较番去 70% 左右,又好似细声咗啲,人声都好似蒙咗咁唔太清晰。所以笔者建议大家睇片听歌都系用番耳机啦。

以往嘅 Nexus 手机,亦有另一个问题,就系相比其他品牌,例如:LG、Samsung、HTC 等嘅手机来讲,铃声相对唔够大声,震动亦较弱,搞到大家成日都会 miss call。而去到 Nexus 5X,虽然似乎有所改善,但唔算完全解决,铃声系较嘈杂嘅地方(例如:番工放工时间嘅地铁车箱),仍然系比较难听到。当然大家可以系“音效与通知”设定入面,开启“来电时同时震动”功能,但震动强度似乎都唔算太强,如果放部手机系布较厚嘅裤袋,又或者女士们放系手袋入面,仍然有会 miss call 嘅危机。所以如果你身边有朋友用 Nexus 5X,大家都系唔好太怪责佢成日 miss call 了,因为佢都系无心嘅……

▲至于铃声方面,如果放系台面,地方又够静嘅话就都听到嘅,但系嘈少少嘅地方笔者估计都系有机会听唔到,加上震动都仍然系唔算强,好似笔者咁放系牛仔裤袋,miss call 机会估计都唔低……

未见有大 bug 相机曾失灵

至于试用一晚,各位 wire 民问笔者 Nexus 5X 有冇咩大 bug?我就唔太发觉有,只系试过有一次影完相之后关咗荧幕,过几分钟之后想再拿出来影相,再进入相机 APP 时画面就 keep 住漆黑一片,只剩下相机接口按键(但按键除快门键之外全部系有反应嘅)。笔者试过 force quit 只相机 APP 再入去,仍然系解决唔到问题,最终需要重新启动手机,先至解决得到。笔者唔知呢个系咪 Nexus 5X 嘅 bug 啦,如果各位 wire 民入手之后有相同问题,欢迎系文末留言报告一下。

IMG_4382

▲笔者试过一日,唯一嘅大 bug 就系好似上图咁,入到相机但荧幕黑哂影唔到相,要 reboot 部机先影得番。

总结:算满意啦!相机最大惊喜

整体来讲,Nexus 5X 系各方面表现上,真系令笔者几满意,尤其是相机方面更加系喜出望外,对焦速度之快令佢可以真真正正成为笔者嘅 snapshot 随身伙伴!虽然相片质素未去到完美,但质素上好老实讲已经比好多同价、甚至 5、6 千蚊嘅旗舰手机都要好。唯一系佢最大容量都系得 32GB,又唔可以插 microSD 记忆卡扩充储存空间,对于会下载好多 APP,又有好多歌同片要放入手机嘅用家来讲,真系好大困扰!

Screenshot_20151105-180311

▲虽然 Nexus 系列手机好处系无乜内置 APP 霸占手机储存空间,但 16GB 可用嘅都系得 10.55GB 左右,对于一部唔可以插卡扩充空间嘅手机来讲,真系唔够用。

当然大家会讲:反正佢支援 OTG,将啲歌同片放入支 USB 手指入面,然后同 Nexus 5X 接驳,咪解决到问题囉!但问题来啦:一来如果大家系街行个时放部手机入裤袋,再插卡支 USB OTG 手指系部 Nexus 5X 嘅 pat pat 度,真系方便?二来大家唔好忘记 Nexus 5X 系用 USB Type-C 插槽,而市面采用 USB Type-C 嘅 OTG USB 手指真系唔多,真系买到嘅款式而家可能系 10 只手指数得哂。呢个,反而系笔者觉得 Nexus 5X 最“鸡肋”嘅地方……

至于 Nexus 5X 究竟电量如何?可以用到几耐?用唔用到一日?差电又快唔快?笔者毕竟试咗部机一日未到,都未可以好确实话俾大家知个效果,呢一点俾多个 weekend 时间俾我,下星期一再同大家报告。