iPad Pro 专用配件,除了Smart Keyboard 之外,另一个大家更想知道用就是Apple Pencil。而家就等Edward 为大家带来呢支笔的开箱,同埋初步用后感啦!
▲打开包装纸之后,向旁边一拉就可以打开。
▲最顶有一个纸盒,入面自然有说明书等慨文件。
▲入面仲有两件配件,较细慨就系后备笔头,俾大家万一用坏或者唔见咗,都仲有一个可以替换。
▲另一个就系转接器,呢个用法系当大家唔想用iPad Pro 帮Apple Pencil 充电个时,就可以用普通Lightning 线接驳火牛,再用呢个转接器,一边接驳Lightning线,另一边就插入Apple Pencil,就可以充电了。
▲再下面就见到Apple Pencil 真身啦!
▲揸落手真系同拿普通铅笔好相似,手感真系几好。
▲呢个就系笔头。
▲只要好似螺丝咁转出来就可以替换。
▲而Apple Pencil 顶部,大家可以见到银圈位置刻有Apple Pencil 字样,其实几靓。
▲打开顶盖,就可以见到为Apple Pencil 充电慨Lightning 插头啦。
至于配对方面,其实好简单,第一次使用时,只要将Apple Pencil 慨Lightning 插头插入iPad Pro 慨机底Lightning 插槽,之后荧幕就会出现“配对”选项,点按它就完成配对,感觉就好似新慨Magic Keyboard 2、Magic Mouse 2 同埋Magic Trackpad 2 同iMac 配对慨方法一样,超级体贴。而之后大家除非系要帮Apple Pencil 充电,否则基本上唔洗再将渠插入iPad Pro 上,因为传输数据系透过蓝牙,所以大家完全可以无线使用,无任何问题,大家只系记住要用个时开启蓝牙功能就可以了。
▲配对超简单,只要将Apple Pencil 慨Lightning 插槽插入iPad Pro 慨插槽。
▲然后点按荧幕上慨“配对”选项,就完成了,呢个时候大家就可以无线使用Apple Pencil。
▲以后Apple Pencil 与iPad Pro 接驳都系透过蓝牙,大家记住要用个时开启蓝牙功能就可以了。
至于Apple Pencil 慨使用时间可以有几长?根据Apple 官方表示,系充满电情况之下,Apple Pencil 可以连续使用12 小时。大家睇落好似唔够长?其实Apple 唔预大家当支Apple Pencil 系stylus 咁用来操控iPad Pro,所以只有系画画或者要画写较细腻笔触慨情况下,先会用得着,例如:系PDF 文件上面签名,或者批阅公司文件,但呢啲情况一般都系用几个钟都已经好够,所以大家预每用两、三次帮Apple Pencil 充一次电就差唔多啦。另外Apple Pencil 最特别慨地方,就系万一无电慨情况下,只要将渠插入iPad Pro 机身15 秒,就已经充咗足够用30 分钟慨电力,用来应急真系好好用!
▲一般Apple Pencil 可以连续使用12 小时,但要应急慨话,插入iPad Pro 机身15 秒已经够用30 分钟,呢个功能真系几体贴。
▲不过iPad Pro 荧幕接口就睇唔到Apple Pencil 仲有几多电剩,呢个希望Apple 未来可以加番啦。
以前iPad 系就系几好用,不过渠慨荧幕唔似某啲品牌慨平板咁,可以感应压力,对于钟意画画慨用家来讲,真系唔够过瘾。今次iPad Pro 配合Apple Pencil,就首次支持压感,不过同其他品牌慨平板有啲唔同,渠哋一般都系荧幕上下工夫,令装置配合指定画笔,可以做到压感效果;而Apple Pencil 就将感应器收藏系笔内,透过笔头慨感应器,可以感应到用家按压系荧幕上慨力度,从而决定线条颜色慨深浅以及粗幼。另外,渠支笔都几特别,渠内置斜度感应器,只要使用合适慨笔,较垂直咁写个时就可以画出线条,而用笔边轻扫荧幕,就可以做出类似扫描慨效果,呢个相信都系钟意画画慨朋友一直想要慨功能吧!
▲扭开笔头大家就会见到呢个“万能”感应器,唔止可以感应按压力度,从而决定线条粗幼,亦可以因应拿笔斜度而决定画出来慨效果。
▲笔者用Notes 做示范,大家见到垂直写个时,出来系实在慨线条。
▲当大力啲将笔头压落荧幕,线条就会深色啲同粗啲;而细力啲压落去,线条就会浅色啲同幼啲。
▲此外,当打斜支笔,只要选用合适慨笔,就可以做到类似扫描慨效果。
最后就同大家分享一下用落慨感受啦。笔者自问唔系画画有天份慨人,就无谓画啲画出来令大家反胃啦。不过用来画线,就发觉Apple Pencil 笔头真系几灵敏,根据Apple 官方表示,iPad Pro 可以感应到大家系用紧手指定系Apple Pencil 操控装置,一旦感应到系Apple Pencil,就会用每秒240 次慨扫描讯号扫描数据,系平时手指操控时收集数据速度慨两倍。呢个设计,令笔者用Apple Pencil 画线个时,无论系大力定细力,都唔见有断线情况,呢一点用落真系令人几满意。此外,画画个时,大家亦唔洗吊住只手来画,尽管将手掌放系荧幕上面就得,iPad Pro 本身会感应到个个系手部,就算放系荧幕上面,都唔会错误画咗嘢上去,呢一个细微位又系值得一赞。
▲笔者用来画咗好多条线,都唔见有断线情况,真系几满意。
▲手掌就放系画画个时放系荧幕上面,都唔会误触荧幕,呢个设计又系值得一赞。
整体来讲,Apple Pencil 俾笔者慨感觉系有少少喜出望外,唔止无断线,而且出来慨效果真系几好,无论大家系打算用来批阅文件或者签名,又或者钟意拿住渠系户外写生,iPad Pro + Apple Pencil 呢个组合,应该都会俾到大家一个几好慨感受,感觉就好似带住WACOM 画板出街画画一样,值得一赞!不过Apple Pencil 本身唔可以收藏系iPad Pro 机身入面,大家外携使用个时,真系要小心唔好乱放,最好一用完就放入袋收藏好,咁就唔惊唔见。另外,最好唔好系白色台面度用,因为Apple Pencil 本身都系白色,如果放系白色台面,渠慨天生“保护色”,真系会搞到用家“发鸡盲”睇唔到渠慨存在……一旦唔记得拿,又要俾$788 买过支,咁就无谓啦……
![高仿苹果11PRO 精仿iphone11pro [5.8寸]](images/202006/thumb_img/3458_thumb_G_1591836109054.jpg)