今日OnePlus 系北京发布了全新的OnePlus X 智能手机,售价只系1,599 人民币,算系OnePlus 首部2 千蚊人仔以下的手机。究竟用落感觉如何?而家就等Edward 同大家分享一下。
金属边玻璃背手感唔错
其实一睇,Edward 感觉呢部OnePlus X 真系同iPhone 4 系列有啲似,因为都系用金属机边,而机面机背就采用强化玻璃。当然,OnePlus X 确比iPhone 4 大,因为渠始终用上5 寸荧幕;另外金属边框根据OnePlus 所讲称为“阿尔勒纹理”,其实只系14 行纹理,Edward 拿在手上,确实无iPhone 4 滑滑金属边个种易跣手慨问题,加上手机只系5 寸荧幕,边框又算幼,所以单手操控手感算系唔错。不过大家要记住,如果想买OnePlus X,千祈唔好买基础版(虽然都未知香港会唔会出基础版),因为呢个版本系无阿尔勒纹理,又得2GB RAM,但同普通版差价都系1 旧水人仔,唔值得咁样悭。
▲OnePlus X 机边采用官方声称为“亚尔勒纹理”的花纹,都几靓之余手感都唔错,亦有助防止跣手。
▲单手操控完全无问题。
▲荧幕底部设有轻触式按键,左至右分别为返回、主页及程式切换键,但笔者就觉得按键慨背光灯太暗了,有时真系开咗都唔系好睇得到。
▲同iPhone 6s Plus 比较,明显见到OnePlus X 细咗成个码。
▲OnePlus X(左)厚度来讲比iPhone 6s Plus(右)仲要薄!
▲同OnePlus 2 比,OnePlus X 一样亦一截。
至于机背及机面玻璃,亦唔似iPhone 4 咁采用平面玻璃,而系近日中国手机厂商颇多采用的2.5D 玻璃,更是底面均采用呢款玻璃,这令笔者拿OnePlus X 系手上时,无一种界手的感觉。
▲底面都系采用2.5D 玻璃,摸落用落都唔觉有界手感觉。
陶瓷机背变镜面但易痴指纹
另外,今次OnePlus 推出慨X,唔止有强化玻璃机背版本,仲有一款陶瓷版,而呢种陶瓷并非一般陶瓷,而系官方声称的锆宝石陶瓷。据官方表示,呢种陶瓷是硬度上仅比蓝宝石低,不过就比Gorilla 强化玻璃高好多(蓝宝石玻璃硬度为9H,锆宝石陶瓷硬度为8.5H,Gorilla 强化玻璃为5 – 6H),听落好似好劲,但其实大家日常生活都接触到呢样陶瓷,但唔系用系手机,而系用系厨房用具,个样就系陶瓷刀。大家都知道陶瓷刀真系比一般刀硬净,而且唔易崩,所以呢种物料用系手机机背,理论上又真系可以加强手机耐用程度慨。
▲左边为陶瓷版,右边为普通版,可见陶瓷版采用镜面设计,而玻璃的普通版就无咁反光。
不过问题就在于:陶瓷版慨OnePlus X,其实同Sony 部Xperia Z5 Premium 一样,都系采用镜面设计,无错系可以令到手机睇落更加高贵,但问题系极易痴上手指指纹,对于有洁癖的用家来讲,一系就随身带备块抹布随时清洁,一系就建议大家宁愿买普通版(采用强化玻璃机背)慨版本啦。
▲陶瓷版真系拿来照镜都得!
▲但缺点系好易痴手指膜。
荧幕质素不错可视角度高
至于荧幕方面,OnePlus X 采用5 寸1080p Super AMOLED 荧幕,相比一般TFT LCD 荧幕,黑位显示确实较实净(OLED 荧幕天生优势~~),色彩亦算自然,可视角度都几高,作为一部入门机,我谂大家都唔会苛求有2K 解像度荧幕挂(事实上旗舰慨OnePlus 2 都无2K 啦),所以对于一般用家来讲,应该收货㗎啦。
▲荧幕采用Super AMOLED 1080p,质素算唔错,无明显偏色之余,显示细字都好清晰。
▲Super AMOLED 材质荧幕好处除咗亮度好足够,仲有就系黑位好实,而且OnePlus X 的荧幕色水都算自然,唔觉好味精。
▲另一个Super AMOLED 荧幕慨好处,就系可视角度都几高,侧面睇都唔觉荧幕变暗或者变色。
相机加ISOCELL 感光元件可惜无OIS
至于相机方面,OnePlus X 采用1,300 万像素主镜头,亦采用全新Samsung 的ISOCELL 感光元件,加上F/2.2 光圈、双ISP 影像处理器及PDAF 相位对焦技术,对焦速度达到0.2 秒,老实讲唔算突出,但都足够一般人使用,影出来慨相片质素都算几好,轻微油画化但可接受,唯一系影暗位方面表现差啲啲,不过一部千零蚊慨手机,都算系咁啦。笔者唯一觉得可惜慨就系不设OIS 光学防抖,令影夜景或者系较暗环境下影相,会容易因为抖而影到松郁蒙慨相片。所以各位wire 民,用OnePlus X 系较暗环境下影相,就要记住揾嘢稳定住对手先好影啦。
▲主镜头为1,300 万像素,而且采用ISOCELL 感光元件。
▲影出来的相片,唔讲真系唔知系出自一部两千蚊人仔唔洗慨入门机上。
▲不过100% 放大相片,仍然系有少许油画化现象,但属于可接受范围。
▲但缺点就系无内建OIS 光学防抖,系较暗地方影相(笔者测试时已开始入黑)会容易抖。
至于前置镜头,就同好多时下手机一样,都有800 万像素,光圈为F/2.4,并有84 度自拍角度,笔者试过质素都算唔错,就算加上美颜功能,相片都只系有轻微油画化情况,可以接受。
▲自拍镜头有800 万,而且有84 度广角,都算唔错。
▲100% 放大前置镜头拍摄的自拍照,同样有轻微油画化现象,但一样系可接受程度。
用番旧规格少许失望
至于硬件方面,今次OnePlus X 就反其道而行,好多新中国品牌为咗避开Qualcomm Snapdragon 810 处理器慨过热问题,就改用MTK 慨Helio X10 / X10 Turbo 处理器,但OnePlus 就系X上面改用旧年旗舰手机慨Qualcomm Snapdragon 801 处理器!当然,无可否认呢粒处理器系暂时Qualcomm 旗舰处理器入面最稳定慨一枚,省电效果OK 之余,亦无过热问题。但大家又是否愿意用过时科技?呢个就真系睇用家个人意愿啦。笔者就觉得可以千零蚊买到旧年要成5、6 千蚊先买到慨手机所用慨处理器机款,唔敢话超抵,但都唔系过份啦,系咪?仲要部机都有3GB RAM,用安兔兔评测都有超过4 万分,对于一般用家来讲,就算要拿来打机,都够用啦。
▲只采用Qualcomm Snapdragon 801 处理器,属于旧年旗舰规格,但两千蚊人仔唔洗买到,OK 啦!
▲安兔兔评测入面获得41,266 分,只系比Samsung Galaxy Note 4 差少少,都算唔错。不过以性价比来讲就不及Zenfone 2 了,但如果计埋设计同造工,OnePlus X 其实都有力一斗。
▲OnePlus X 用番旧有慨Micro USB 插槽,大家啲旧线可以用得番了!
▲支持双卡双待功能,不过未知是否双4G。另外亦支持microSD 记忆卡扩充容量。
▲具备多项高阶功能,当中包括支持OTG!
▲另外亦有多种手势操控。
▲当中笔者最钟意就系呢个三指撷取荧幕手势,只要放3 只手指系荧幕上面,向上再向下推一下就可以撷取荧幕,比Samsung 手机慨手掌滑动撷取荧幕慨功能成功率更高同好用。
总结:平价机又靓靓地无投诉
整体来讲,OnePlus 慨手机作为中国品牌,其实一直以来系香港手机用家口中口碑都算唔错,由One、到2,到今次慨X,可以见到OnePlus 系手机质量、造工、设计各方面,确实如渠哋口号所言:Never Settled,次次都算去得几尽。今次部OnePlus X,虽然好似系用“过期科技”,但笔者成日都觉得,作为一般用家来讲,买手机最紧要系3 大元素:靓、使用时间长、同埋用得顺畅, OnePlus X 最少符合两样:入门机来讲算几靓(虽然有少少向iPhone 4 系列致敬慨感觉),同埋整体使用都好顺畅,加上用埋801 处理器,最少用落理论上唔会有“镬”先!
至于使用时间,由于试玩时间有限,笔者真系试唔得咁详细,不过官方声称渠只有2,525mAh 容量电池,而且无得换电,虽然声称拥有9 小时连续播放音乐或11 小时30 分以Wi -Fi 浏览网页,以及326 小时待机时间,但以笔者试玩过旧年采用相同处理器慨手机经验所知,呢个时间有机会打个8 折甚至更低,要用上一日应该难度较大。但呢样只系笔者猜测,系咪真系咁?真系要真机上手长时间试玩过先知,但无可否认,电量系笔者对OnePlus X 最感忧虑慨一点,其他项目,真系已经无乜可以挑剔或投诉了。
看完这一加手机X怎么样? OnePlus X评测文章如果想购买这篇文章所写的手机请直接联系在线客。如果你对一加手机X怎么样? OnePlus X评测已经了解啦,可以继续了解一下
高仿苹果,
高仿手表,
高仿浪琴,
高仿浪琴手表